Кіраўнікі кадэцкага вучылішча і сярэдняй школы № 1 Полацка цяпер вядуць падрыхтоўку для стварэння сумеснага пошукавага атрада. За яго рэгістрацыяй у гэтым навучальным годзе яны звернуцца ва ўпраўленне па ўвекавечанні памяці абаронцаў Айчыны і ахвяр войнаў Узброеных Сіл Беларусі і 52-ы асобны спецыялізаваны пошукавы батальён.

Як чакаецца, афіцыйна атрад пачне працаваць у 2023-м. Ініцыятыву ўжо падтрымала кіраўніцтва раёна.

Атрад будзе складацца з кадэт і школьнікаў — па 15 чалавек ад кожнай навучальнай установы. Іх працу будуць курыраваць выкладчыкі.

«Удзел у пошукавых работах, падрыхтоўчым этапе стане важным элементам патрыятычнага выхавання падлеткаў. Мы плануем займацца і раскопкамі, і аналітычнай працай. Бо раскопкі — гэта ўсяго толькі частка пошукавай працы. Каб іх пачаць, спачатку трэба вывучыць шмат дакументаў, знайсці месца. Спачатку ідзе папярэдняя праца, вывучаюцца архіўныя дадзеныя, аэрафотаздымкі, карты — гэта цэлы пласт працы. Мы абавязкова будзем супрацоўнічаць і з расійскімі пошукавікамі, і, зразумела, з беларускімі. Гэты рух цяпер разглядаецца ў цэлым у кадэцкіх вучылішчах Рэспублікі Беларусь», — распавёў дырэктар Полацкага кадэцкага вучылішча Станіслаў Красоўскі.

Па яго словах, полацкія кадэты ў гэтым годзе атрымалі неабходны вопыт пошукавых работ падчас двух экспедыцый. Увесну яны вялі іх сумесна з кадэтамі маскоўскай школы № 760 імя А. П. Марэсьева і дасведчанымі пошукавікамі на плацдарме Новікі ў Віцебскім раёне. У пачатку жніўня хлопцы ўдзельнічалі ў міжнароднай вахце памяці ў Заронаўскім сельсавеце.

Па матэрыялах https://zviazda.by/.

«Народная асвета» рекомендует:  

Вайна. Юнацтва. Подзвіг

 У. В. Вавула, М. М. Чарняўскі

У зборнік уключаны творы аб юнаках і дзяўчатах, чыё сталенне прыйшлося на жудасны ваенны час.

У кнізе дзве часткі: у першай У. В. Вавула дае хранікальна-дакументальныя звесткі аб юных героях Беларусі, у другой увазе чытачоў прадстаўлены паэмы вядомага беларускага пісьменніка Міколы Чарняўскага, прысвечаныя подзвігам юных змагароў за сваю Радзіму.

Адрасуецца дзецям сярэдняга і старэйшага школьнага ўзросту. Унікальныя фотаматэрыялы з архіва У. В. Вавулы робяць выданне асабліва каштоўным для ўсіх чытачоў.                                                       

 

25.20 руб.

 

Украденное детство. Великая Отечественная глазами детей

Н. П. Писаренко

В книге собраны рассказы тех, кого принято называть детьми войны. Большинство из них не воевало. Однако они совершили другой подвиг — подвиг мужества и духа, выжив и оставшись людьми после нечеловеческих страданий.

Адресуется читателям среднего и старшего школьного возраста.

 11.42 руб.