Якой будзе дадатковая адукацыя ў новым навучальным годзе, абмеркавалі ўдзельнікі Рэспубліканскага савета “Дадатковая адукацыя дзяцей і моладзі: арыенціры развіцця”, які прайшоў у Жлобіне.

Міксуем “лічбу” і творчасць

Свае творчыя планы на год прадэманстравалі ўсе 264 установы дадатковай адукацыі краіны на мінулым тыдні ў межах дзён адкрытых дзвярэй, раскруціўшы свае стракатыя калейдаскопы: ладзіліся канцэрты і творчыя выступленні, забаўляльна-пазнавальныя і фізкультурна-спартыўныя праграмы, выставы і майстар-класы. Гэта дазволіла юным гасцям выбраць сабе пазаўрочную справу па душы.

Як улічыць усе густы і кожнаму дзіцяці прапанаваць падыхо­дзячы гурток, добра ведаюць у Нацыянальным цэнтры мастацкай творчасці дзяцей і моладзі. Яго кіраўнік Надзея Васільчанка гаворыць: “Інтарэсы нашых дзяцей разнастайныя. Вядома, вялікую цікавасць выклікаюць заняткі па харэаграфіі, дэкаратыўна-прыкладной творчасці і выяўленчым мастацтве. Для тых, хто цікавіцца моднымі трэндамі, у нас працуе студыя моды. Часта, каб бацькі і дзіця вызначыліся з выбарам, на дапамогу прыходзяць педагогі-псіхолагі. Хочацца падкрэсліць, што заняткі ў аб’яднаннях па інтарэсах да­памагаюць і ў выбары прафесіі. Напрыклад, у нашай народнай студыі выяўленчага мастацтва навучэнцы праходзяць дапрафесійную падрыхтоўку і рыхтуюцца да паступлення ў сярэднія спе­цыяльныя і вышэйшыя навучальныя ўстановы. Запатрабаваны і аб’яднанні па інтарэсах інтэлек­туальнага профілю. Для самых маленькіх і будучых школьнікаў працуе школа ранняга развіцця “Калейдаскоп”.

Надзея Васільеўна заклікае калег імкнуцца задавольваць усе адукацыйныя запыты навучэнцаў і іх бацькоў: “Нам, педагогам, неабходна ўлічваць той факт, што ва ўстановы дадатковай адукацыі прыходзяць “новыя” дзеці і іншае пакаленне бацькоў. Гэта значыць, само жыццё ставіць іншыя задачы, якія вырашаць па-старому ўжо не атрымліваецца. Відавочна, у сувязі з гэтым усё большую актуаль­насць у арганізацыі дзейнасці ўстаноў дадатковай адукацыі дзяцей і мола­дзі набываюць паняцці “мадэрнізацыя”, “інавацыя”, “лічбавізацыя”, “праектная і эксперыментальная дзейнасць”. 

Але пры гэтым Н.В.Васільчанка лічыць, што не варта пагружацца ў іх цалкам: “Ва ўмовах хуткага развіцця навукі, тэхнікі, лічбавых тэхналогій мастацка-эстэтычнае выхаванне адыгрывае важную ролю ў адукацыйнай прасторы. Менавіта мастацкае выхаванне развівае пачуццё прыгожага, фарміруе светапогляд і крэатыўныя якасці асобы, што служыць матывацыяй да любой творчай, стваральнай дзейнасці”.

Кожны дзясяты — аматар тэхнікі

Кожны дзясяты навучэнец устаноў дадатковай адукацыі захоплены тэхнічнай творчасцю і спартыўна-тэхнічнымі кірункамі. Гэта звыш 36 тысяч навучэнцаў, якія зай­маюцца ў 3600 аб’яднаннях па інтарэсах тэхнічнага і спартыўна-тэхнічнага профілю. Пра арыенціры дадатковай адукацыі дзяцей і моладзі ў гэтых кірунках расказаў дырэктар Нацыянальнага дзіцячага тэхнапарка Сяргей Сачко. Па яго словах, у гэтым годзе бу­дзе зроблены акцэнт на прымяненні новых тэхналогій, якія дапамо­гуць зацікавіць падлеткаў і мо­ладзь спазнаваць свет навукі і тэхнікі, на стварэнні інтэрактыўнай адукацыйнай развіццёвай прасторы для дзяцей і падлеткаў, а на базе абласных устаноў дадатковай адукацыі дзяцей і моладзі будуць створаны высокатэхналагічныя пляцоўкі, абсталяваныя сучаснай тэхнікай, інфармацыйнымі, камунікацыйнымі тэхналогіямі і сістэмамі. Такія пляцоўкі ўжо створаны на базе Гомельскага абласнога і Аршанскага раённага цэнтраў тэхнічнай творчасці дзяцей і моладзі, а таксама Мінскага дзяржаўнага палаца дзяцей і моладзі.

Нам, педагогам, неабходна ўлічваць той факт, што ва ўстановы дадатковай адукацыі прыходзяць “новыя” дзеці і іншае пакаленне бацькоў. Гэта значыць, само жыццё ставіць іншыя задачы, якія вырашаць па-старому ўжо не атрымліваецца.

Надзея Васільчанка.

Маштабным абяцае быць і рэалізацыя адукацыйных маршрутаў па інжынерных прафесіях, у тым ліку і высокатэхналагічных.

Па словах С.М.Сачко, сёння на рынку працы ўпор робіцца на развіццё інжынернага і прадпрымальніцкага мыслення ў моладзі. Асноўная метадалагічная задача ў гэтым напрамку — прадастаўленне магчымасці будучым удзельнікам праектаў асвоіць на практыцы і прайсці тэхналагічны ланцужок ад зараджэння інавацыйнай ідэі да стварэння камерцыйнага прадукту. У гэтых мэтах ва ўстановах дадатковай адукацыі рэалізуецца сацыяльна-эканамічны профіль, які каардынуецца Нацыянальным дзіцячым тэхнапаркам.

Чакаецца, што пашырыцца сетка аб’яднанняў па інтарэсах, звязаных з перспектыўнымі напрамкамі развіцця сучаснай навукі і тэхнікі і арыентаваных на інжынерна-тэхнічныя спецыяльнасці лічбавай эканомікі ХХІ стагоддзя і інавацыйныя прафесіі будучыні. Сёння ў трэндзе такія кірункі, як мабільная робататэхніка, прататыпаванне, праграмаванне, сеткавае і сістэмнае адміністраванне, інжынерны дызайн CAD, тэхналогіі беспілотных лятальных апаратаў, касманаўтыка і аэракасмічная тэхніка, вэб-тэхналогіі, графічны дызайн, радыётэхнічнае канструяванне і інш.

“Наперадзе нас чакае вялікая работа па пераводзе дадатковай адукацыі тэхнічнага профілю на сучасныя рэйкі з улікам інавацыйнага развіцця рэспублікі. Я думаю, абапіраючыся на назапашаны вопыт і традыцыі, рэсурсны патэнцыял калектываў устаноў адукацыі, мы зможам вырашыць самыя складаныя і сур’ёзныя задачы”, — адзначыў С.М.Сачко.

Зялёнае асяроддзе

У Рэспубліканскім цэнтры экалогіі і краязнаўства ў новым навучальным годзе будзе зроблены акцэнт на развіцці аб’яднанняў па інтарэсах геаграфічнай накіраванасці турыстычна-краязнаўчага профілю, а таксама сельскагаспадарчай накіраванасці эколага-біялагічнага профілю. Як расказала дырэктар цэнтра Алены Ануфровіч, пачнуць работу аб’яднанні па інта­рэсах “Юны географ”, “Займальная геалогія”, а таксама “Практыкум па садаводстве”, які будзе накіраваны на вывучэнне гатункавай разна­стайнасці пладовых і агародных культур і агратэхнічных метадаў іх вырошчвання. Прадоўжыцца работа па развіцці сеткі ўстаноў адукацыі, уключаных у рэалізацыю адукацыйнага праекта “Зялёныя школы”. Запланаваны шэраг мерапрыемстваў, накіраваных на аказанне дапамогі ў работах на вучэбна-доследных участках.

Інтрыгай новага навучальнага года стане тое, што ў лабараторна-практычным комплексе Рэс­публіканскага цэнтра экалогіі і краязнаўства будзе абсталявана і адкрыта лабараторыя прагрэсіўнага раслінаводства. Яна будзе служыць для вывучэння сучасных тэхналогій раслінаводства, правядзення даследаванняў і падрыхтоўкі навучэнцамі актуальных навукова-даследчых праектаў для прадстаўлення як на рэспуб­ліканскім, так і на міжнародным узроўні.

Насычаным у гэтым кірунку навучальны год будзе і ў рэгіёнах. Так, гэтымі днямі на базе Віцебскага абласнога палаца дзяцей і мо­ладзі першыя заняткі для вучняў 8—11 класаў праходзяць у новым аб’яднанні па інтарэсах “Школа біялогіі” для паглыблення ведаў па гэтым прадмеце. Праект арганізуецца сумесна чатырма ўстановамі агульнай сярэдняй адукацыі Віцебска. Тут пачнуць сваю работу і агракласы. На базе Гродзенскага дзяржаўнага абласнога эколага-біялагічнага цэнтра дзяцей і моладзі пачнуць працаваць аб’яднанні па інтарэсах “Юныя біятэхнолагі”, “Юны рэпарцёр” і “Юныя кінолагі”. На базе Гомельскага абласнога цэнтра турызму і экалогіі дзяцей і моладзі адкрываюцца новыя кірункі работы. Гэта і міжрэгіянальны экалагічны злёт “Берагі дружбы”, і турыстычна-экалагічная акцыя “Шэсць граняў лета” (па добраўпарадкаванні прышкольных тэрыторый), і “Сусветнае “зялёнае кафэ” (юныя эколагі распрацоўваюць экалагічныя маршруты сумесна з Расійскім цэнтрам навукі і культуры), і “Чароўная лабараторыя вады” (экалагічны адукацыйны праект для дашкольнікаў, накіраваны на пошукава-эксперыментальную дзейнасць). Лідскі раённы цэнтр экалогіі, турызму і краязнаўства адкрывае навуковае таварыства навучэнцаў “Турэксперт”.

Як бачым, нават не попыт выклікае прапанаванне, а, прапаноўваючы такі шырокі спектр заняткаў, педагогі прадугадваюць усе дзіцячыя інтарэсы. Дзецям застаецца толькі зрабіць свой выбар.

Святлана НІКІФАРАВА.
Фота Алега ІГНАТОВІЧА і з архіва Нацыянальнага дзіцячага тэхнапарка.

Па матэрыялах https://nastgaz.by/.

 

«Народная асвета» рекомендует: 

Как Панда Бо цвета искал

 А. В. Хоменок

Медвежонок Панда Бо живёт в чёрно-белом Бамбуковом городке. Он играет на флейте в театре и грустит от того, что похож на всё вокруг, такое же чёрно-белое, как и он сам. Бо мечтает раскрасить Бамбуковый городок и отправляется на поиски красок. Ему помогает Клювик — яркая птичка, которая сочиняет стихи и знает всё-всё о цветах. Смогут ли друзья сделать Бамбуковый городок разноцветным?
Это больше, чем история о необычном приключении. Это книга о смелости следовать за мечтой. Отправляйся вместе с героями в цветное путешествие!

Художник Анастасия Гайдук.

13.31 руб.

 

Классический танец

В. В. Лысенкова

В книге излагаются основные принципы изучения базовых движений классического танца. Издание включает лекционные занятия и практический раздел изучаемых движений, а также словарь терминов и список литературы по предмету.
Учебное пособие адресовано студентам и преподавателям высших и средних специальных учебных заведений в области хореографического искусства.

50.52 руб.

 

Спадчына, або Каб не стаць манкуртам. Абразкі з жыцця нашых продкаў

М. А. Маляўка

У кніжцы расказваецца, як жылі нашы продкі, чым яны займаліся, якімі рэчамі гаспадарчага і хатняга ўжытку карысталіся, якую спадчыну пакінулі нам, сваім нашчадкам. Абразкі з жыцця старой вёскі перасыпаны паэтычнымі радкамі, сур’ёзнымі і вясёлымі гісторыямі, народнымі прыкметамі і парадамі, прыказкамі і прымаўкамі, загадкамі. Аўтар падрыхтаваў для чытачоў заданні: трэба адказаць на пытанні, так ці іначай звязаныя з вясковай сядзібаю, лёсам яе гаспадароў, іх буднямі і святамі.

2-е выданне, перапрацаванае

 30 руб.

 

Да родных вытокаў. У дапамогу краязнаўцу

 С. Б. Холеў

У кнізе раскрываюцца асноўныя напрамкі і віды краязнаўства і змяшчаюцца матэрыялы аб спосабах арганізацыі краязнаўчай работы з навучэнцамі ва ўмовах сучаснага адукацыйнага працэсу. Падрабязна апісваецца методыка правядзення разнастайных краязнаўчых даследаванняў, накіраваных на ўсебаковае вывучэнне мясцовасці, даюцца рэкамендацыі па практычным прымяненні вынікаў праведзенай краязнаўчай работы.
Адрасуецца выкладчыкам устаноў агульнай сярэдняй адукацыі і дадатковай адукацыі дзяцей і моладзі, студэнтам педагагічных спецыяльнасцей вышэйшых навучальных устаноў, краязнаўцам-аматарам.

14.34 руб.

 

Развивающее дифференцированное интернет-обучение детей дошкольного возраста

 М. С. Долинского

Книга посвящена вопросам интернет-обучения детей дошкольного возраста на основе дистанционной системы обучения DL.GSU.BY. Курс «Учимся думать» впервые апробирован в 2008/2009 учебном году. В настоящее время его преподавание осуществляется в г. Гомеле.

14.23 руб.

 

Обучение детей основам создания компьютерных игр на языке программирования Scratch, 5-6 классы

 Елисеева О. Е.

Современные дети любят играть в компьютерные игры. Запретить это не возможно, но, как показала практика, достаточно несложно увлечь учащихся процессом создания компьютерной игры и при этом получить положительные результаты. Пособие адресовано учителям информатики для проведения факультативных занятий, а также родителям, готовым познакомить своего ребенка с компьютером как с профессиональным инструментом, с помощью которого можно постичь основы разных специальностей: программист, дизайнер, иллюстратор, сценарист, звукорежиссер и др. Занимаясь разработкой компьютерных игр на основе материалов пособия, учащиеся научатся творчески и алгоритмически мыслить, создавать анимацию и компьютерные игры с помощью среды визуального программирования Scratch, сделают первые шаги в выборе современной ИТ-профессии.

11.66 руб.