Беларускія асабліва ахоўныя прыродныя тэрыторыі ўпершыню рэалізуюць новы, унікальны для Беларусі вопыт супрацоўніцтва з установамі адукацыі, які пазней можна будзе пашырыць у маштабах усёй краіны.

Чатыры найбуйнейшыя мясцовыя ААПТ — заказнікі «Асвейскі», «Налібоцкі», «Азёры» і «Чырвоны бор» — аб'ядналі намаганні са школамі, каб стварыць сетку клубаў юных эколагаў. Яна дапаможа павысіць узровень экалагічных ведаў школьнікаў.

Аўтары праекта ўпэўнены, што такі фармат экалагічнай адукацыі дапаможа сфарміраваць у дзяцей экалагічную адукаванасць і культуру «зялёных паводзін», пашырыць веды пра экатурызм як адзін з кірункаў развіцця зялёнай эканомікі ў нашай краіне.

У аснову ініцыятывы па стварэнні сеткі клубаў юных эколагаў леглі напрацоўкі раней рэалізаваных экалагічных і адукацыйных праектаў Праграмы развіцця ААН (ПРААН) у Беларусі.

У эксперыменце бяруць удзел Асвейская сярэдняя школа Верхнядзвінскага раёна, Клясціцкі дзіцячы сад — сярэдняя школа імя В. А. Хамчаноўскага Расонскага раёна (Віцебская вобласць), сярэдняя школа № 1 г. Валожына (Мінская вобласць) і Азёрская сярэдняя школа (Гродзенская раён), размешчаныя каля гэтых заказнікаў. Створаныя на іх базе клубы юных эколагаў ужо аб'ядналі больш за 100 чалавек — 80 дзяцей і 20 экспертаў-эколагаў. У клубах дзеці будуць знаёміцца ў раслінным і жывёльным светам запаведных тэрыторый, даведаюцца пра важнасць захавання прыроды і біяразнастайнасці для дабрабыту чалавека.

Клубы юных эколагаў будуць узаемадзейнічаць з абласнымі клубамі экалагічнага маніторынгу, рэгіянальнымі рэсурснымі цэнтрамі і ўстановамі адукацыі, якія рэалізуюць адукацыйны праект «Зялёныя школы». У перспектыве на іх базе таксама можа пачаць развівацца экалагічны валанцёрскі рух.

Да створанай сеткі клубаў юных эколагаў ужо далучыліся спецыялісты кафедры фізіялогіі чалавека і жывёл Гродзенскага дзяржаўнага ўніверсітэта імя Янкі Купалы. У планах — пашырыць колькасць партнёрскіх ВНУ у Віцебскай і Мінскай абласцях і наладзіць узаемадзеянне на ўзроўні ВНУ — школа — прыродаахоўныя ўстановы.

Першыя сумесныя мерапрыемствы заказнікаў і сеткі клубаў юных эколагаў прайшлі сёлета ў Віцебскай, Мінскай і Гродзенскай абласцях. Акцыя «Экалагічны мост» сабрала вучняў з Расонскага раёна на семінар з інтэрактыўнымі мерапрыемствамі, экскурсіямі ў заказнікі «Чырвоны бор» і «Сіньша». У рамках акцыі ў інклюзіўным экалагічным квэсце ўзялі ўдзел людзі з інваліднасцю з аддзялення дзённага знаходжання для інвалідаў і людзей пажылога ўзросту гарадскога пасёлка Расоны. Валожынскія школьнікі наведалі з экскурсіяй заказнік «Налібоцкі».

Таццяна Мельман, дырэктар Клясціцкага дзіцячага сада — сярэдняй школы імя В. А. Хамчаноўскага:

— Экалагічнае краязнаўства для нас — напрамак не новы, мы ўжо больш за дзесяць гадоў працуем па розных краязнаўчых праектах. А апошнія тры гады вучні школы актыўна займаюцца даследаваннямі на тэрыторыі заказніка «Чырвоны бор» у галіне экалагічнага і гістарычнага краязнаўства.

Новы праект — цікавы вопыт. Дзякуючы яму дзеці больш даведаюцца пра асабліва ахоўныя прыродныя тэрыторыі, змогуць атрымаць каштоўныя веды па гэтай тэме. Наша ж установа адукацыі атрымае магчымасць набыць тэматычную літаратуру, абсталяванне для правядзення назіранняў у прыродзе і новых доследаў.

Нашы навучэнцы ўжо не раз паспяхова выступалі на абласных і рэспубліканскіх канферэнцыях са сваімі даследаваннямі па прыродаахоўных тэрыторыях, а цяпер, думаю, у нас гэты кірунак будзе толькі пашырацца.

Праект «Развіццё экалагічнага турызму для садзейнічання зялёнаму пераходу да інклюзіўнага і ўстойлівага росту» рэалізуецца ПРААН сумесна з Міністэрствам прыродных рэсурсаў і аховы навакольнага асяроддзя Рэспублікі Беларусь пры фінансавай падтрымцы Расійскай Федэрацыі.

Настасся АЛЯКСЕЕВА

Фота заказніка «Чырвоны бор»

Па матэрыялах https://zviazda.by/.

«Народная асвета» рекомендует: 

Рассказы о животных Красной книги Республики Беларусь

 С. А. Трафимов, Г. В. Трафимова

Эта книга — сборник рассказов о животных Красной книги Республики Беларусь (4-е издание). Она подарит читателям немало открытий, познакомит с интересными наблюдениями и малоизвестными фактами, откроет некоторые тайны животного мира.

Книга адресуется учащимся младших и средних классов, родителям, учителям, руководителям биологических кружков. Она поможет читателям расширить свой кругозор, подготовить интересные сообщения и доклады, викторины и конкурсы.

16.46 руб.

Рассказы о растениях Красной книги Республики Беларусь

 С. А. Трафимов, Г. В. Трафимова

Эта книга — сборник занимательных рассказов о растениях Красной книги Республики Беларусь (4-е издание). Она подарит читателям немало открытий, познакомит с интересными наблюдениями и малоизвестными фактами.

Читатели узнают, какие из охраняемых растений нашего края встречаются в лесах, на лугах, в водоёмах. Страницы книги рассказывают, почему важно бережно относиться к редким растениям нашей флоры и как каждому из нас включиться в охрану растительных богатств нашей Родины.

Книга прекрасно иллюстрирована и адресована учащимся младшего и среднего школьного возраста, родителям, учителям, всем, кто интересуется природой родного края.

Книгу можно приобрести в магазинах ОАО «Белкнига», РУП «Академкнига», книжном магазине «Адукацыя», на сайтах: OZ.by, wildberries.by, а также найти в библиотеках страны.

Птушка года Беларусі 2000—2020

 Віктар Гардзей

Кніга створана з нагоды і ў падтрымку аднайменнага прыродазнаўчага конкурсу, які з 2000 г. праводзіць грамадская арганізацыя «Ахова птушак Бацькаўшчыны». Кожны год выбіраецца адзін від птушак, на якім сканцэнтроўваецца асветніцкая і ахоўная дзейнасць. Вершы і замалёўкі пра ганаровых птушак Беларусі суправаджаюцца шматлікімі фотаздымкамі вядомых беларускіх фатографаў.

Адрасуецца чытачам сярэдняга і старэйшага школьнага ўзросту, настаўнікам, бацькам, усім, хто адчувае адказнасць за прыродныя скарбы сваёй Радзімы, каго цікавяць экалогія і культура Беларусі.

22.58 руб.

Вочы Зямлі. Вандроўкі па роднай Беларусі

І. У. Ягоўдзік

Кніга Уладзіміра Ягоўдзіка «Вочы Зямлі. Вандроўкі па роднай Беларусі» прысвячаецца багаццям беларускай прыроды. Навукова-папулярныя звесткі пра беларускія лясы, азёры, рэкі і крыніцы аўтар па-майстэрску спалучае з народнымі паданнямі і легендамі. Выданне стане верным сябрам таму, хто хоча пашырыць і ўзбагаціць свае веды па геаграфіі, біялогіі і гісторыі роднага краю.

Адрасуецца аматарам роднай прыроды сярэдняга і старэйшага школьнага ўзросту.

18.37 руб.

15 открытий сделать не хотите ли?

 В. П. Круковский

Это не обычные сказки, а сказки-открытия для юных читателей, которые любят и хотят изучать природу. О видимой и невидимой жизни живых организмов, которые обитают рядом с нами, рассказывается в этой книге. Каждая сказка — ваше маленькое открытие.

Адресуется детям младшего и среднего школьного возраста.

10.79 руб.

Энцыклапедыя юнага натураліста

 В. В. Кажура

Кніга вядомага беларускага аўтара Віктара Кажуры працягвае серыю «Школьная энцыклапедыя». Гэта незвычайная энцыклапедыя. У кнізе чытач знойдзе шмат ілюстрацый, а таксама вершы і апісанні розных раслін, грыбоў і жывёл. Для цікаўных − рэцэпты блюд.

Адрасуецца чытачам малодшага і сярэдняга школьнага ўзросту, а таксама настаўнікам і бацькам.

Мастак Алена Дашкевіч.

 18.55 руб.