З лістапада 2022 года па сакавік 2023 года ва ўстановах адукацыі краіны праводзіцца рэспубліканскі конкурс юных экскурсаводаў музеяў устаноў адукацыі.
Арганізатарамі мерапрыемства з’яўляюцца Міністэрства адукацыі Рэспублікі Беларусь, Рэспубліканскі цэнтр экалогіі і краязнаўства.
Мэта конкурсу – далейшае ўдасканаленне сістэмы патрыятычнага выхавання дзяцей і моладзі сродкамі экскурсійнай музейнай дзейнасці.
Да ўдзелу запрашаюцца асобныя навучэнцы ўстаноў агульнай сярэдняй адукацыі і дадатковай адукацыі дзяцей і моладзі ў двух узроставых катэгорыях: да 14 гадоў (уключна), ад 15 гадоў і болей.
На конкурс прадстаўляецца відэаролік-экскурсія па музею ўстановы адукацыі ў адпаведнасці з выбранай намінацыяй: «Роднымі пуцявінамі» ці «Скарбонка часу».
Юныя экскурсаводы намінацыі «Роднымі пуцявінамі» адвольна вызначаюць тэмы экскурсій, распрацоўваюць і праводзяць экскурсіі з выкарыстаннем музейных экспазіцый. У намінацыі «Скарбонка часу» ўдзельнікі конкурсу ствараюць экскурсію-рэкламу, якая будзе знаёміць з адметнасцямі і ўнікальнасцю музея ўстановы адукацыі.
Конкурс праводзіцца ў чатыры этапы з вызначэннем пераможцаў і прызёраў: I (адборачны) – ва ўстановах адукацыі; II (адборачны) – раённы; III (адборачны) – абласны, Мінскі гарадскі; IV (заключны) – рэспубліканскі.
Пераможцы і прызёры конкурсу будуць ўзнагароджаны дыпломамі Міністэрства адукацыі Рэспублікі Беларусь і Рэспубліканскага цэнтра экалогіі і краязнаўства.
Падрабязней з умовамі правядзення Рэспубліканскага конкурсу юных экскурсаводаў музеяў устаноў адукацыі можна азнаёміцца тут.
Крыніца: НІА
«Народная асвета» рекомендует:
Спадчына, або Каб не стаць манкуртам. Абразкі з жыцця нашых продкаў
М. А. Маляўка
У кніжцы расказваецца, як жылі нашы продкі, чым яны займаліся, якімі рэчамі гаспадарчага і хатняга ўжытку карысталіся, якую спадчыну пакінулі нам, сваім нашчадкам. Абразкі з жыцця старой вёскі перасыпаны паэтычнымі радкамі, сур’ёзнымі і вясёлымі гісторыямі, народнымі прыкметамі і парадамі, прыказкамі і прымаўкамі, загадкамі. Аўтар падрыхтаваў для чытачоў заданні: трэба адказаць на пытанні, так ці іначай звязаныя з вясковай сядзібаю, лёсам яе гаспадароў, іх буднямі і святамі.
2-е выданне, перапрацаванае
30 руб.
Да родных вытокаў. У дапамогу краязнаўцу
С. Б. Холеў
У кнізе раскрываюцца асноўныя напрамкі і віды краязнаўства і змяшчаюцца матэрыялы аб спосабах арганізацыі краязнаўчай работы з навучэнцамі ва ўмовах сучаснага адукацыйнага працэсу. Падрабязна апісваецца методыка правядзення разнастайных краязнаўчых даследаванняў, накіраваных на ўсебаковае вывучэнне мясцовасці, даюцца рэкамендацыі па практычным прымяненні вынікаў праведзенай краязнаўчай работы.
Адрасуецца выкладчыкам устаноў агульнай сярэдняй адукацыі і дадатковай адукацыі дзяцей і моладзі, студэнтам педагагічных спецыяльнасцей вышэйшых навучальных устаноў, краязнаўцам-аматарам.
14.34 руб.