20 снежня 2022 г. а 15 гадзіне ў Дзіцячай бібліятэцы № 10 у Мінску па адрэсу: пр. Незалежнасці, 123, у рамках праекта “Пісьменнік - бібліятэка - чытач” пройдуць гучныя чытанні з сябрам Саюза пісьменнікаў Беларусі, настаўнікам Віктарам Кажурам “Травінкай непрыкметнай прарасці на бяскрайнім полі Беларусі”.
ГОСЦI ПРАГРАМЫ БЕЛАРУСКАГА РАДЫЁ "НАСТРОЙ" І ВІЛЕЙСКАЙ РАЁННАЙ ЦЭНТРАЛЬНАЙ БІБЛІЯТЭКІ ІМЯ А. НОВІК
У пачатку лістапада 2022 года гасцямі праграмы Беларускага радыё “Настрой” сталі дзіцячы пісьменнік, настаўнік беларускай мовы і літаратуры Вілейскай гімназіі № 2 Віктар Кажура і яго ўнучка, суаўтар многіх твораў Ангеліна Прохарава. Дзякуючы вядучай Святлане Мятлевай размова атрымалася шчырай, па-хатняму цёплай і адкрытай.
Гутарка ішла не толькі пра вытокі творчасці, тэмы і ідэі твораў, іх перспектывы, але і гаварылася пра інтарэсы і захапленні дзяцей, пра рэалізацыю імі сваіх магчымасцей.
Асобна быў адзначаны новы праект выдавецтва “Народная асвета” – серыя кніг “Школьная энцыклапедыя”. Віктар Віктаравіч расказаў пра сваю “Энцыклапедыю юнага натураліста”, пра дапамогу ўнукаў у яе напісанні, пра адметнасці “Энцыклапедыі”. А ў прэзентацыі яшчэ адной кнігі – “З легендаў і міфаў” – актыўна ўдзельнічала і Ангеліна. Калі дзядуля распавядаў гісторыю напісання зборніка, унучка знаёміла слухачоў з героямі беларускай міфалогіі, чытала асобныя творы, прысвечаныя гэтым персанажам. На заканчэнне слухачам быў падрыхтаваны сюрпрыз ад госця праграмы – новая “Энцыклапедыя юнага этнографа”, выпуск якой плануецца выдавецтвам “Народная асвета” на 2023 год.
Прэс-служба Мiнскага абласнога аддзялення "Саюз пiсьменникаў Беларусi"
2 кастрычніка ў аддзеле па рабоце з дзецьмі ДУК “Вілейская раённая цэнтральная бібліятэка імя Г. Новік” было весела і шумна, бо гасцямі бібліятэкі былі В.В. Кажура і яго ўнучка Ангеліна. Віктар Кажура наш зямляк, пісьменнік, які з’яўляецца членам Саюза пісьменнікаў Рэспублікі Беларусь, а таксама настаўнік ДУА “ Гімназія №2 г. Вілейкі”.
Удзельнікамі мерапрымства былі выхаванцы школьных лагераў: ДУА “Сярэдняя школа №5 г. Вілейкі” і ДУА “Залескі вучэбна-педагагічны комплекс дзіцячы сад-сярэдняя школа”. Цікава і пазнавальна прайшла сустрэча. Дзеці вучыліся пісаць вершы, адгадвалі загадкі, адказвалі на пытанні.
Пачалася гутарка з кнігі “Пакацілася сонейка”, вучні хорам прадаўжалі радкі з вершаў. Затым вучылі азбуку са зборніка “Азбука ў вершах і малюнках”. Ангеліна таксама чытала вершы і паданні, якія яны напісалі сумесна з дзядулем. Гучалі вершы з кніг: “З легендаў і міфаў”, “Гэта ўсё – Радзіма наша”, “Азбука ў загадках” і іншыя. Віктар Віктаравіч пазнаёміў дзяцей з новай кнігай, якая выйшла ў 2022 годзе “Энцыклапедыя юнага натураліста”, дзе расказваецца пра прыроду нашай Беларусі. Усе слухалі з захапленнем і будуць чакаць новых сустрэч. Самыя актыўныя ўдзельнікі атрымалі падарункі.
Источник: Живица
Наше досье.
Виктор Викторович Кажуро родился в 1959 году в д. Кравчонки Вилейского района Минской области. Педагог, специалист в области теории и методики преподавания белорусского языка и литературы. Окончил Минский государственный педагогический институт им. А.М.Горького (1980), работал учителем белорусского языка и литературы в школах Вилейского района, директором Забарской восьмилетней школы (1981–1983). Сейчас работает заместителем директора в гимназии №2 г.Вилейки.
Лауреат премии специального фонда Президента Республики Беларусь по социальной поддержке одаренных учащихся и студентов (2009), обладатель звания «Учитель года Вилейского района – 2017».
По итогам работы за 2020 год помещен на Доску почета Вилейского района, является победителем среди работников организаций района в номинации «Лучший работник сферы образования, спорта и туризма».
Автор стихов, переводов, исследований по краеведению Вилейщины, материалов в помощь учителям белорусского языка и литературы.
Виктор Викторович Кажуро – из тех писателей, которые любят встречаться со своими читателями. Ему есть что рассказать и самому маленькому, и подростку, и взрослому.
«Народная асвета» рекомендует:
Энцыклапедыя юнага натураліста
В. В. Кажура
Кніга вядомага беларускага аўтара Віктара Кажуры працягвае серыю «Школьная энцыклапедыя». Гэта незвычайная энцыклапедыя. У кнізе чытач знойдзе шмат ілюстрацый, а таксама вершы і апісанні розных раслін, грыбоў і жывёл. Для цікаўных − рэцэпты блюд.
Адрасуецца чытачам малодшага і сярэдняга школьнага ўзросту, а таксама настаўнікам і бацькам.
Мастак Алена Дашкевіч.
18.55 руб.
З легендаў і міфаў. Героі беларускай міфалогіі
Віктар Кажура
Кніга вядомага паэта і педагога Віктара Кажуры прысвечана міфічным істотам роднай Беларусі.
Ці ведаеш ты, хто з багоў і духаў старажытнасці лагодны і вясёлы, а хто зласлівы і бурклівы? Як дамовіцца з Хатнікам, каб ён не хаваў раскіданыя па доме рэчы? Чаму трэба асцерегацца Вадзяніка? У каго ўзімку захоўваюцца ключы ад зямлі?
Хутчэй гартай старонкі кнігі, і ты знойдзеш адказы на ўсе гэтыя пытанні.
