Навукоўцы ствараюць электронную"Беларускую энцыклапедыю«, паведамілі ў прэс-службе Нацыянальнай акадэміі навук Беларусі.

Кіраўнік Цэнтра энцыклапедычных выданняў Соф’я Самуэль прадставіла праект электроннай версіі новай «Беларускай энцыклапедыі» Старшыні Прэзідыума НАН Беларусі Уладзіміру Гусакову.

«У падрыхтоўцы энцыклапедычных матэрыялаў задзейнічаны патэнцыял навуковай грамадскасці нашай краіны. Новая „Беларуская энцыклапедыя“ павінна стаць неад’емнай часткай грамадска-палітычнай сістэмы беларускай дзяржавы, служыць прапагандзе айчынных дасягненняў, адыгрываць важную ролю ў захаванні інфармацыйнага суверэнітэту краіны. Праект будзе садзейнічаць фарміраванню патрыятычнага мыслення ў моладзі, павысіць пазнавальнасць і ролю Беларусі на міжнароднай арэне», — распавялі ў прэс-службе НАН.

Электронная энцыклапедыя змяшчае сістэматызаваную, навукова вывераную інфармацыю аб людзях, аб мінулым і сучаснасці Беларусі, яе прыродзе, рэсурсах, эканоміцы, навуцы, культуры і сацыяльнай сферы. Энцыклапедыя будзе прапагандаваць дасягненні краіны, паказваць яе магчымасці, месца і ролю ў сусветнай цывілізацыі, павышаць пазнавальнасць і аўтарытэт, а таксама інвестыцыйную прывабнасць.

Па словах Соф’і Самуэль, праект сайта «Беларуская энцыклапедыя» распрацаваны з улікам сусветнага вопыту. Пачата падрыхтоўка матэрыялаў па тэмах «Беларусь у Другой сусветнай і Вялікай Айчыннай войнах» і «прырода Беларусі». У наступным працягнецца праца над іншымі часткамі (пакуль іх выдзелена 10). Уводным раздзелам стане тэматычная энцыклапедыя"Рэспубліка Беларусь«. Тэксты будуць прадстаўлены на беларускай і рускай мовах, у будучыні — на англійскай і іншых.

Як адзначыў Уладзімір Гусакоў, працу над энцыклапедыяй трэба працягваць, даводзіць да канца, шырока знаёміць з яе вынікамі грамадскасць. «Важна не згубіць унікальны фотаматэрыял, які акумулюецца ў розных акадэмічных установах. Ён павінен выкарыстоўвацца ў напаўненні новай энцыклапедыі», — дадаў ён.

Па матэрыялах https://zviazda.by/.

«Народная асвета» рекомендует: 

Энциклопедия юного учёного

 И. А. Токарева

Эта книга открывает серию «Школьная энциклопедия» и знакомит юных читателей с основными законами природы, миром молекул и звёзд, растений и животных, океанов и вулканов. В конце книги даны занимательные опыты.

16.73 руб.

Энциклопедия юного буквоведа

 В. П. Круковский

Новая книга автора — это своеобразный азбуковник, сказки о буквах, о том, как они появились и откуда пришли. Книга продолжает серию «Школьная энциклопедия».
Адресуется читателям среднего школьного возраста.

21.90 руб.

Энцыклапедыя юнага натураліста

 В. В. Кажура

Кніга вядомага беларускага аўтара Віктара Кажуры працягвае серыю «Школьная энцыклапедыя». Гэта незвычайная энцыклапедыя. У кнізе чытач знойдзе шмат ілюстрацый, а таксама вершы і апісанні розных раслін, грыбоў і жывёл. Для цікаўных − рэцэпты блюд.

Адрасуецца чытачам малодшага і сярэдняга школьнага ўзросту, а таксама настаўнікам і бацькам.

Мастак Алена Дашкевіч.

 17.66 руб.