Уздым захваральнасці сярод дзяцей пачаўся ў больш ранні перыяд, чым гэта было ў дапандэмійныя гады, паведаміў БелТА загадчык кафедры інфекцыйных хвароб і дзіцячых інфекцый Беларускай дзяржаўнай акадэміі паслядыпломнай адукацыі Юрый Горбіч.

Юрый Горбіч заўважыў, што цяпер сярод дзяцей рэгіструюцца грып, метапнеўмавірус, адэнавірус, рэспіраторна-сінцытыяльны вірус. Даволі вялікая доля дзяцей хварэюць на COVID-19. Прычым каранавірус не з’яўляецца дамінуючым.

«Усе вірусы, якія я назваў, выклікаюць пашкоджанне верхніх дыхальных шляхоў. У абсалютнай большасці выпадкаў гэта праўляецца ларынгітам, калі мяняецца голас у дзіцяці, з’яўляецца кашаль, болі ў горле. Цяжкія варыянты, звязаныя з пашкоджаннем лёгачнай тканкі, у гэтай катэгорыі таксама, безумоўна, прысутнічаюць. Але колькасць такіх цяжкіх варыянтаў у параўнанні з тым, што адбывалася ў 2021 годзе і было звязана з кавідам, значна меншая. Я сказаў бы, што гэта асобныя выпадкі», — сказаў загадчык кафедры.

Паводле слоў Юрыя Горбіча, цяперашняя сітуацыя з захваральнасцю сярод дзяцей аналагічнай той, якая была ў дапандэмійны перыяд: тая ж дынаміка, тыя ж вірусы. Адзінае, што ўздым захваральнасці прыпаў на больш ранні перыяд (раней гэта быў канец снежня, студзень і люты). Да таго ж прадаўжае цыркуляваць і SARS-COV-2.

Як паведамлялася, навучэнцы з ВРВІ могуць адсутнічаць на занятках без даведкі да пяці дзён. Гэта норма будзе дзейнічаць у час перыяду высокага ўздыму захваральнасці на вірусныя інфекцыі. «У выпадку адсутнасці навучэнцаў на занятках (у дашкольных установах, школах, гімназіях, каледжах, універсітэтах і г.д.) на працягу пяці дзён у сувязі з узнікненнем у іх вострых рэспіраторных вірусных захворванняў прадастаўленне даведкі аб часовай непрацаздольнасці не патрэбна», — адзначалі раней у Міністэрстве аховы здароўя.

Крыніца: «Звязда»