Адкрыты дыялог «Моладзь і выбары: формула адказнасці» пройдзе 28 снежня

: 28 декабря 2022

Пляцоўкай для сустрэчы кіраўніка Цэнтральнай выбарчай камісіі Рэспублікі Беларусь Ігара Карпенкі з лідарамі і актывам Беларускага рэспубліканскага саюза моладзі з усіх рэгіёнаў краіны стане маладзёжная крэатыўная прастора ў Рэспуліканским доме моладзі.

Тэма актуальнай дыскусіі — навацыі выбарчага заканадаўства і асобныя пытанні ўдзелу грамадскіх аб’яднанняў і палітычных партый у электаральных кампаніях.

Старшыня ЦВК Беларусі праінфармуе моладзь аб тым, што зменіцца ў Выбарчым кодэксе, для чаго патрэбны адзіны дзень галасавання, якія патрабаванні будуць прад’яўляцца да грамадзян, якія маюць намер вылучацца кандыдатамі ў дэпутаты і на пасаду Прэзідэнта Беларусі, калі ў краіне з’явіцца электроннае галасаванне, адкажа на пытанні хлопцаў і дзяўчат.

Даведка:

На пасяджэнні дзевятай сесіі Палаты прадстаўнікоў Нацыянальнага сходу Рэспублікі Беларусь сёмага склікання дэпутаты ў першым чытанні прынялі праект Закона «Аб змене Выбарчага кодэкса Рэспублікі Беларусь». Законапраект прайшоў шырокае грамадскае абмеркаванне. Яго ўдзельнікі адзначалі актуальнасць і паўнату змен, прапанаваных для ўнясення ў выбарчае заканадаўства.

Надзея НІКАЛАЕВА

Крыніца: «Звязда»