View settings

Размер шрифта:
Цвета сайта
Изображения

Параметры


Навіны

XXVI Мінская міжнародная выстаўка-кірмаш працягвае сваю работу. 9 лютага 2019 года наведвальнікі Адміністрацыйнага комплексу па праспекце Пераможцаў, 14 змаглі пабываць на прэзентацыі кнігі Міхаіла Пазнякова «Прогулки по Минску. Город, который выбирают дети». У гэтым багата ілюстраваным выданні маленькія мінчане Максім і Даша запрашаюць чытачоў кнігі прагуляцца па іх родным, любімым горадзе Мінску —сталіцы Рэспублікі Беларусь. І не проста прагуляцца, а ўявіць сябе гісторыкамі, архітэктарамі, экскурсаводамі... Разам з героямі кнігі, падрыхтаванай да 950-годдзя Мінска, можна пабываць у самых важных і цікавых месцах горада, даведацца пра яго гісторыю, легенды і зазірнуць у будучыню горада, які выбіраюць дзеці. Прэзентацыя прайшла на пляцоўцы «Пісьменнік і час» з удзелам аўтара. Музычнае суправаджэнне было арганізавана УА «МДПТК лёгкай прамысловасці і комплекснай лагістыкі». Мерапрыемства пачалося з прэзентацыі калекцыі «У красе» тэатра моды «Новы погляд». Міхаіл Паўлавіч расказаў пра сваю кнігу, адказаў на пытанні гледачоў, падпісаў кнігі ўсім жадаючым.

Працягнула сваю работу XXVI Мінская міжнародная выстаўка-кірмаш. 8 лютага 2019 года наведвальнікі Адміністрацыйнага комплексу па праспекце Пераможцаў, 14 змаглі пабываць на прэзентацыі кнігі Ірыны Токаравай «Спортивный городок» з серыі «Асветик-спортсмен». У гэтым незвычайным горадзе жывуць тыя, хто любіць спорт, вядзе здаровы спосаб жыцця, а таму вясёлы і бадзёры. Гэтыя жыццярадасныя чалавечкі-спортыкі навучаць усіх актыўнаму спосабу жыцця, правільнаму харчаванню, вясёлым гульням. Яны дапамогуць гуляць у камандзе, выконваць правілы, не ленавацца, не сумаваць, пераадолець шкодныя звычкі. Кніга выйшла ў выдавецтве «Народная асвета» і прысвечана II Еўрапейскім гульням 2019 года. Прэзентацыя адбылася на Нацыянальным стэндзе Беларусі з удзелам аўтара. З музычна-спартыўным нумарам выступіла група «ХS» у складзе Любавы Купрыяновіч і Кацярыны Лашкінай (Прадзюсарская кампанія Купрыяновіч).

Працягнула работу XXVI Мінская міжнародная выстаўка-кірмаш. На стэндзе выдавецтва «Народная асвета» адбылася прэзентацыя вучэбнага дапаможніка «Английский для журналистов» з удзелам аўтараў — Вольгі Лушчынскай, Ірыны Пасюкевіч. Былі запрошаны студэнты факультэта журналістыкі БДУ, а таксама метадыст РІВШ Ірына Лабанава. Аўтары расказалі пра вучэбны дапаможнік, пра свае планы на будучыню і адказалі на пытанні ўдзельнікаў прэзентацыі.

Сёння ў Мінску пачала сваю работу XXVI Мінская міжнародная кніжная выстаўка-кірмаш. Урачыстая цырымонія адкрыцця адбылася на цэнтральнай пляцоўцы Нацыянальнага стэнда Беларусі.

У межах рэспубліканскай акцыі «Культурны маршрут “Мая Беларусь: сучасныя пісьменнікі — дзецям”» адбыліся прэзентацыі кніг ВРУП «Народная асвета» ў Мінску.